إتصل بنا مختارات صحفية  |  تقارير  |  اعرف عدوك  |  ابحاث ودراسات   اصدارات  
 

من ابطال مديرية جبل النار - الطريق الجديدة الى حفنة المجرمين الذين اقدموا على حرق مكتب المديرية

بيروتي

نسخة للطباعة 2007-02-02

إقرأ ايضاً


يا ناس اللي غدرتونا ... غدرتـونا وهـاجمتـونا

يا زغار لعبتـوا بالنـار ... احتـرقتوا وما حرقتـونا

***

بنعـرف ريّسكـم غـدار ... مشربك وبـ حالو محتار

وداكـم انتـوا يا زغـار ... حتى ترمـوا علينا النار

تناسى تـاريخ الاحـرار ... ومـواقف عـز الابـرار

تناسى نسور المحيو العار ... وحميـوا الامة ليل نهار

من الاهـوال من الاخطار ... من الاعداء من الاشـرار

قصدتونا. شفتو شو صار ... ولعتـوا ومـا ولّعتـونا

احترقتوا وما احرقتونا

***

يللي معبي جيابـو مـال ... راسو اختل وعقلو مـال

ان راح جنوب ان راح شمال ... دورو مكشوف المحتال

دايـر حتى يلـمّ رجـال ... مجهّز خزنة من الامـوال

معقـول يغـش الجهـال ... او يرشي فقيـر الحـال

او يـجمع زمـرة انـذال ... لكـن بوجهـو الابطال

وقفـوا وبيقولولو انـزال ... حَكَمتـوا وبهـدلتـونا

احترقتوا وما احرقتونا

***

بيروت الحلوة من زمـان .... بتعرف ابطالا الشجعان

لمـا نـزلـوا عالميـدان ... يتصـدوا لاكبر عدوان

وقدروا حميوها الفرسـان ... من اعداها والزعـران

وما بتنسى خالـد علـوان ... ومش رح ينسانا لبنان

ومش رح ينسانا الوجدان ... لولا انتوا نسيتـونا

احترقتوا وما حرقتونا

***

بيـروت بتبقى بالبـال ... وفي قلـب الامة مشعال

ومجدا عالي وما بينطال ... طالما النهضة فيها رجال

بيـروت لاهـلا الابطال ... قيمتها اغلى من المال

ثـروتنا عليها الآمـال ... بترفض يحكمها زبـال

بتبقى اقوى من الزلزال ... بتعـود بكل الاحـوال

عـرين اسـود واشبال ... انشا الله تكونوا فهمتونا

انشا الله تكونوا سمعتونا

احترقتوا وما حرقتونا

***


 
شبكة المعلومات السورية القومية الاجتماعية غير مسؤولة عن النص ومضمونه، وهو لا يعبّر إلا عن وجهة نظر كاتبه
جميع الحقوق محفوظة © 2024