إتصل بنا اخبار الحزب  |  شهداء الحزب  |  الحزب بالصور  |  نشاطات إغترابية  |  من تاريخنا  
 

إلى رئيس الحكومة غير الشرعية في لبنان السيد فؤاد السنيورة .

ملبورن _ إبن الكــــورة

نسخة للطباعة 2007-01-17

قـولـوالـو للسنيورة ... وللحكـومة المـوتورة

مهما تزيدوا عليها حقد ... الكورة رح تبقى الكورة

وحياتك يا سنيورة

الكـورة علم ومبادي ... لـوحة حـلوي ببلادي

وصورة أنطون سعادي ... بروح اللوحة محفورة

بتعرفها يا سنيورة

الكورة مقلع للأبطال ... فيها أصفى وأوفى رجال

الكـورة عا مَرّ الأجيال ... بـوقفة عـزا مشهورة

وما زالت يا سنيورة

وأهالي الكورة الحلوين ... السلـم الأهلي معتادين

بقيوا شهور وربيوا سنين ... محبة بظـل القوميين

مسـرورين ومتفقين ... بأجمل صورة متحـدين

وبعيـون الطائفييـن ... حبة حصـرم معصورة

ورح تبقى يا سنيورة

سلاح المنها عم بتشيل ... مهما كان عيارو تقيل

حضرناه (لإسـرائيل) ... كل ما تعمل كزدورة

تا نـواجه يا سنيورة

لما جيش الإعدا اجتاح ... واحتل من بلادي مساح

تحضرنا وحضرنا سلاح ... وقلنالو مش رح تـرتاح

بأرض بلادي يا سفـاح ... مهما هدّمـت جسـورا

تا نقـاوم يا سنيورة

ولما بتمـوز، العـدوان ... بـلـّش تـدمير بلبنـان

إختفيوا من الساحة الجرذان ... نزلوا عالساحة الفرسان

وحـدن بقيـوا بالميـدان ... جنـود الأمة ونسـورا

وين كنتوا يا سنيورة

نحنـا عالـدنيا جـينا ... ومبـادي سـعـادة فينـا

البـدو يجـرب يلغينـا ... بـدو يـوقع بالجـورة

يا ريّـس يا سنيورة

حـكمك أياموا قصيرة ... والنقمـة عليك كبيـرة

إنت وسعـد الحريري ... وجوقـة أكل النمـورة

ما عاد بدن سنيورا



 
شبكة المعلومات السورية القومية الاجتماعية غير مسؤولة عن النص ومضمونه، وهو لا يعبّر إلا عن وجهة نظر كاتبه
جميع الحقوق محفوظة © 2017