إتصل بنا اخبار الحزب  |  شهداء الحزب  |  الحزب بالصور  |  نشاطات إغترابية  |  من تاريخنا  
 

مـولـد سـعـاده

الرفيق الراحل ميشال ابو شديد

نسخة للطباعة 2012-02-27

اليوم انولد انسان.. أو نـهضـة انـولـد؟

شلوشهـا بالارض وغـصـونـا الأَمَـد

اليـوم شـعّ النـور مـن " عـرزالـنا "

ووصّل على " فلسطين " عَ أقـدس بلـد

اليـوم ذكـرى فجرنـا ومـشـاعلـنا

بنخبِـة محبّيـنـا منـقشـع حـالنـا

اليوم صرنا شعب متـحرّر.. عـنيـد

وتفسّـرت أقـوالنـا بـأفـعـالـنـا

اليـوم ذكـرى مولـد معلّـم كبـيـر

دقّ باب الحقّ تـا وعّـى الضـمـيـر

حقّـق رسـالـة ومـات فـادي إمّتـو.

خلّـد بموتـو حـلم توحـيد المصـير

بعـدا الرسالـة والرسالـة جـنودهـا

تلاميـذ تسـتشـهد وفـا لبـنـودهـا

والمسـطرة رفاقي القنابـل مـن بـشر

يتفجـرو مـن قـدسـنا عَ حـدودهـا

العندو كرامة وعَزّ ما بيرضـى دخـيل

ينجّس ترابو معتِدي.. غـازي.. عمـيل

هجمنا عليه من الجنـوب على الجنـوب

تا ندحروا.. والنصر للشعـب الاصيـل

وعينا.. وضمير الناس بـارَك هـالوعي

يشـوف غـطرسـة " اليهـود " بذاتهـا

يشـوف صهـيونـي بـحالو مِـدِّعـي

" امـيركـا " بتَّشـتـشـو بريّـاتـهـا

الارض اغتصب وبنيّتو يجـدّ الـسعـي

بجـنوبنا.. عـيـنو علـى مَيـّاتهـا

نـسفو البيوت وقتـلو اهـل البيـوت

حـرقو الـطفـالا ورمّلـو إمّاتـهـا

وانفجـرت.. وجلجـل هـتاف المؤمنين

"بوجدي" و"سناء محيدلي" هالسـابقيـن

"بمالك" و"خالد".. "نورما" المتحـمسـين

"عمار" "مريم" مع "علـي" المـتكاملـين

"محمد حسين" وغـير رفقـة باقـييـن

ثورة بـوجّ الظـلم بتعلـيّ الجبـيـن

ضد الكـواسـر والأَذِلاَّ الـفاجـريـن

وكيـف ما بـدّا الكرامـة تـنتفـض؟

و"بابتـسـام" تبَسَّـم الـوجّ الحـزيـن

"بسـينائنا بجولاننا" وبكلّ ضَفّة الثائـرين

و"بالقدس" بدّا تكـون حَستم المـعركـة

كِتفـي عَ كتفـك والايـادي مشـبَّكـه

بوجّ العِدا "دروز ونصارى ومسلمـين"

يا شعوبنا اتِّحدي وعلى كلمة اجمـعي

حتـى البـلاد نحـدّ مـن ويـلاتهـا

قـرِّري... وبكلمـتك لا تـرجـعـي

رفـاقي عَ كَفّـا حامـله دمّـاتـهـا

الارض إلنا شـو انحـكى لا تسـمعي

ولا تخوّفِـك " تـرسـانة " معـدّاتهـا

عنـدِك شـباب فيـها جـبينِك إرفعي

صـارت قـنابل محـرقة نهداتـهـا

وعـندِك صـبايا عند ما "سعاده" دِعي

بأرواحـها شَبَـقِت بوجّ الظـالمـين

وتـنـاثـرت فـوق الذرى ذرّاتـهـا.

اول آذار 1988



 
شبكة المعلومات السورية القومية الاجتماعية غير مسؤولة عن النص ومضمونه، وهو لا يعبّر إلا عن وجهة نظر كاتبه
جميع الحقوق محفوظة © 2017