إتصل بنا مختارات صحفية  |  تقارير  |  اعرف عدوك  |  ابحاث ودراسات   اصدارات  
 

يا بلادي شو صار

راجي سعد

نسخة للطباعة 2014-08-02

إقرأ ايضاً


يا شعبي شو الي صار ... ليش كل هالحزن والبكي

ليش كل هالبكي شو صار ... ليش كل هالفكفكي

اجيال عم تبرم وتحتار ... وعن مصيرها تايهة وملَبّكي

إلنا الف سنة منتْخبط بنار ... خلت نفسنا بنفسنا مشككي

كانت ارضنا ارض الغار ... توزع ع العالم حضارة مشبكي

كانت بابل شعلة نور ومنار ... ودراسة نجوم وبحوث مفلَّكي

وكانت جبيل مصدر افتخار ... ومن الأبجدية حجارها مفبْركي

وكانت القدس للكون محجة ومزار ... وارضها بالسما مباركي

ومن دمشق مسار الدني سار ... ومنا للأندلس صارت مملكي

ومع بغداد اكْتَمَل المشوار ... حضارة من سومر وآشور مفبْركي

***

يا بلادي من بعدها شو صار ... ليش كل البكي والفكفكي

ليش حِدنا عن هالمسار ... وصرنا رواد الحكي والفزلكي

وين راح انسانّى الجبار ... وليش امورنا مشنجي وملبكي

ارضنا بعدها عز وغار ... وليش كل هالفوضى والشربكي

صرنا مضرب مثل للذل والعار ... والخيانة بحكامنا املّكي

ليش كلو بارود ونار ... وين العقل يشيلنا من هالشربكي

****

يا عقل ضويلنا الانوار ... ورجع زمان العز للوطن والمملكي

ولسايكس وبيكو وجه الإنذار ... ارضنا بوحدة حياة امَّسكي

وعن الطائفية شيل الستار ... وخلي التفاعل والتجانس مَسْلكي

وعلى صهيون وحد المسار ... يخلي القدس سماها امباركي


 
شبكة المعلومات السورية القومية الاجتماعية غير مسؤولة عن النص ومضمونه، وهو لا يعبّر إلا عن وجهة نظر كاتبه
جميع الحقوق محفوظة © 2024